No marco deste memorando desenvolvese o Programa Nortear que, entre outras actuacións, contempla a V edición dun premio literario para novos escritores de Galicia e do Norte de Portugal, froito da favorable repercusión que tivo o dito premio nas anteriores edicións.
Coa finalidade de que se lle dea a maior divulgación posible, achegamos as bases que regulan a convocatoria do dito premio para o ano 2019, así como un folleto divulgativo.
Sinalar que poderán participar as persoas nacidas e /ou empadroadas na Rexión Norte de Portugal ou en Galicia, con idades comprendidas entre os 16 e os 36 anos.
O prazo para a presentación das obras será ata o 28 de xuño de 2019 (inclusive). Serán admitidas a concurso todas as obras presentadas, de acordo ao disposto na convocatoria, que teñan data de entrada no seguinte enderezo ata o 28 de xuño de 2019 (inclusive).
